Bonvenon

Ni invitas fervojistojn-esperantistojn, sed ne nur – partopreni en 70. IFEF-KONGRESO, kiu okazos en VROCLAVO  en la tagoj 19-25.05.2018.

Vroclavo estas unu el la plej belaj urboj en Pollando kaj estas nomata:   la urbo de renkontiĝoj. La slogano estas ligita al la vortoj de la Papo Johano Paŭlo la dua: ”Vroclavo estas  urbo troviĝanta  lime de tri landoj,  kiujn la historio tre strikte kunligis. Ĝi estas la urbo de  renkontiĝo, la urbo,  kiu unuigas. Ĉi tie  iumaniere  renkontiĝas anima tradicio de Oriento kaj Okcidento”.
Ĉi tiu metaforo aperis en homilio, kiun la Papo eldiris dum sankta meso fine de Internacia Eŭkaristia Kongreso la 1-an de junio 1997.

En Vroclavo naskiĝis Edith Stein, doktorino de filozofio kaj monaĥino, anoncita en la jaro 1999 kiel sankta Patronino de Eŭropo.